LDAsy 17:1ܕܫܒܬܥܣܪ ܥܠ ܡܣܪܩܘܬܐ܀ ܡܣܪܩܘܬܐ ܐܝܬܝܗ̇ ܫܕܝܐ ܕܡܪ̈ܢܝܬܐ. ܠܐ ܨܦܬܐ ܕܚ̈ܝܐ. ܚ̇ܙܩ ܐܘܪܚܐ ܠܐ ܡܬܥܘܟܢܐ. ܗܝܡܢܘܬܐ ܕܦܘܩ̈ܕܢܐ. ܢܘܟܪܝܐ ܕܥܩܬܐ܀
1 2ܕܝܪܝܐ ܡܣܪܩܐ܆ ܡܪܐ ܗܘ ܕܥܠܡܐ̇ ܕܠܐܠܗܐ ܡ̇ܗܝܡܢ ܝܨܝܦܘܬܗ. ܘܒܝܕ ܗܝܡܢܣܬܐ ܠܟܠܗܘܢ ܒ̈ܢܝ ܐܢܫܐ ܩܢ̣ܐ ܥܒ̈ܕܐ܀
2 3ܠܐ ܐܡ̇ܪ ܠܒܪܐܢܫܐ ܡܛܠ ܚܫܚܬܗ. ܠܗܠܝܢ ܕܝܢ ܕܐܬܝ̈ܢ ܠܗ܆ ܐܝܟ ܕܡܢ ܐܝܕܗ ܕܡܪܝܐ ܡܩܒܠ܀
3 4ܦܥܠܐ ܡܣܪܩܐ܆ ܒܪܐ ܗܘ ܕܠܐ ܚܫܢܝܘܬܐ. ܐܘܟܝܬ ܕܠܐ ܐܣܝܪܘܬ ܪܚܡܬܐ ܕܒܨܒܘ. ܕܠܗܠܝܢ ܕܐܝܬܝܗ̈ܝܢ ܠܗ܆ ܐܝܟ ܠܝܬܝܗ̈ܝܢ ܚ̇ܫܒ. ܡܐ ܕܥܪܨ ܫܘܢܝܐ ܠܟܠܗܝܢ ܙܒܠܐ ܚܫܒ. ܐܢ ܕܝܢ ܡܬܬܥܝܩ ܒܡܕܡ܆ ܠܐ ܥܕܟܝܠ ܗܘ̣ܐ ܡܣܪܩܐ܀
4 5ܓܒܪܐ ܡܣܪܩܐ ܕܟܝܐ ܗܘ ܒܨܠܘܬܐ. ܗ̇ܘ ܕܝܢ ܕܪܚܡ ܩܢܝܘܬܐ܆ ܠܨܠܡ̈ܐ ܕܗܘܠܐ ܡܨܠܐ܀
5 6ܐܝܠܝܢ ܕܒܫܘܥܒܕܐ ܡܬܗܦܟܝܢ܆ ܢܘܟܪ̈ܝܐ ܐܢܘܢ ܕܪܚܡܬ ܟܣܦܐ. ܐܬܪ ܓܝܪ ܕܦܓܪܗܘܢ ܐܫܠܡܘ܆ ܡܢܐ ܡܟܝܠ ܕܝܠܢܝܐ ܩ̇ܢ̣ܝܢ ܕܐܝܟ ܗܠܝܢ. ܒܚܕܐ ܡܟܢܝܢ ܠܡܬܥܠܒܘ. ܕܠܝ̈ܠܐ ܓܝܪ ܐܝܬܝܗܘܢ܆ ܘܡ̈ܛܝܒܐ ܠܫܘܢܝܐ ܕܡܢ ܕܘܟܐ ܠܕܘܟܐ܀
6 7ܚ̇ܙܝܬ ܩܢܝܘܬܐ܆ ܕܡܣܝܒܪܢܘܬܐ ܕܒܕܘܟܬܐ ܝܠܕܬ ܠܕܝܪ̈ܝܐ. ܝܬܝܪ ܕܝܢ ܡ̣ܢ ܕܠܗ̇ܢܘܢ ܐܢܐ܆ ܠܐܝܠܝܢ ܕܦܗܝܢ ܡܛܠ ܡܪܢ ܝܗ̇ܒܬ ܛܘܒܐ܀
7 8ܐܝܢܐ ܕܛܥ̣ܡ ܠܗܠܝܢ ܕܠܥܠ. ܦܫܝܩܐܝܬ ܡܒ̇ܣܪ ܥܠ ܗܠܝܢ ܕܠܬܚܬ. ܗ̇ܘ ܕܝܢ ܕܠܗܠܝܢ ܠܐ ܛܥܡ܆ ܒܡܪ̈ܗܛܐ ܪ̈ܘܙ܀
8 9ܡܣܪܩܐ ܠܐ ܡܠܝܠܐ܆ ܒܬܪܬܝܢ ܡܬܥܠܒ. ܡܪܚܩ ܓܝܪ ܡܢ ܗܠܝܢ ܕܬܢܢ܆ ܘܡܬܓܠܙ ܡܢ ܗܠܝܢ ܕܥܬܝ̈ܕܢ܀
9 10ܠܐ ܢܬܚܙܐ ܐܘّ ܕܝ̈ܕܝܐ܇ ܕܝܬܝܪ ܡܢ ܦܪ̈ܚܬܐ ܐܝܬܝܢ ܠܐ ܡܗܝܡ̈ܢܐ. ܗܠܝܢ ܓܝܪ ܠܝܬ ܠܗܝܢ ܡܪܢܝܬܐ܆ ܐܦܠܐ ܚܡ̈ܠܢ܀
10 11ܪܒܐ ܗܘ ܡ̇ܢ ܐܝܢܐ ܕܡܣܬܪܩ ܡܢ ܩܢ̈ܝܢܐ ܫܦܝܪܘܬ ܕܚܠܬܢܐܝܬ. ܩܕܝܫܐ ܗܘ ܕܝܢ ܐܝܢܐ ܕܡܣܬܪܩ ܡܢ ܨܒܝܢܗ. ܗ̇ܘ ܡܢ ܒܡܐܐ ܐܥ̈ܦܝܢ̇ ܐܘ ܒܝܕ ܡܪ̈ܗܛܐ. ܐܘ ܒܝܕ ܫܘ̈ܟܢܐ ܢܣ̇ܩ ܗ̇ܘ ܕܝܢ ܚ̈ܝܐ ܕܠܥܠܡ ܝ̇ܪܬ܀
11 12ܠܐ ܚܣܪ ܓܠܠܐ ܒܝܡܐ܆ ܐܦܠܐ ܠܪܚܡ ܟܣܦܐ ܪܘܓܙܐ ܘܥܩܬܐ. ܐܝܢܐ ܕܒܣ̣ܪ ܥܠ ܗܘܠܐ܆ ܐܬܚܪܪ ܠܗ ܡܢ ܕܝܢ̈ܐ ܘܚܪ̈ܝܢܐ. ܗ̇ܘ ܕܝܢ ܕܪܚܡ ܢܟܣ̈ܐ܆ ܡܛܠ ܡܚܛܐ̣ ܥܕܡܐ ܠܡܘܬܐ ܡܬܟܬܫ܀
12 13ܗܝܡܢܘܬܐ ܠܐ ܡܨܛܠܝܢܝܬܐ܆ ܦܣܩ̣ܬ̣ ܠܝܨܝܦ̈ܘܬܐ . ܥܘܗܕܢܐ ܕܝܢ ܕܡܘܬܐ̇ ܟܦܪ ܐܦ ܒܦܓܪܐ܀
13 14ܠܝܬ ܗܘܐ ܒܐܝܘܒ ܥܩܒܬܐ ܕܪܚܡܬ ܟܣܦܐ. ܒܕܓܘܢ ܐܦ ܟܕ ܐܬܓܠܙ ܠܐ ܫܓܝܫܐ ܩܘܝ܀
14 15ܥܩܪܐ ܕܟ̈ܠܗܝܢ ܒܝܫ̈ܬܐ ܐܦ ܐܝܬܝܗ̇܆ ܐܦ ܡܬܐܡܪܐ ܪܚܡܬ ܟܣܦܐ. ܡ̇ܥܒܕܐ ܓܝܪ ܣܢܐܬܐ. ܘܓܢܒ̈ܘܬܐ. ܘܩ̈ܛܠܐ̣ ܘܣ̈ܕܩܐ. ܘܒܥܠܕܒ̈ܒܘܬܐ ܘܡ̈ܚܫܘܠܐ ܘܐܟ̈ܬܐ. ܘܚܕ̈ܡܘܬܐ ܘܚܣ̈ܡܐ܀
15 16ܒܝܕ ܩܠܝܠ ܢܘܪܐ ܐܢܫ̈ܝܢ܆ ܠܟܠܗ̇ ܗܘܠܐ ܐܘܩܕܘ. ܘܒܝܕ ܚܕܐ ܡܝܬܪܘܬܐ܇ ܡܢ ܟܠܗܝܢ ܕܗܪܟܐ܆ ܘܡܢ ܚܫ̈ܐ ܕܐܡܝܪ̈ܝܢ ܥܪܒܘ. ܘܗ̣ܝ ܗܕܐ ܡܬܩܪܝܐ܆ ܠܐ ܐܣܝܪܘܬܐ ܕܒܪܚܡܬܐ ܚܫܢܝܬܐ. ܠܗܕܐ ܕܝܢ ܝ̇ܠܕ ܢܣܝܢܐ ܘܛܥܡܬܐ ܕܝܕܥܬܐ ܕܐܠܗܐ. ܘܝܨܝܦܘܬܐ ܕܦܘܢܝ ܦܬܓܡܐ ܕܡܘܢܕܢܐ܀
16 17ܐܝܢܐ ܕܥܡ ܒܘܝܢܐ ܩ̇ܪܐ܆ ܚܟܡ ܗܘ ܠܡܠܬܐ ܕܟܠܗ̇ ܐܡܐ ܕܒ̈ܝܫܬܐ. ܐܡܪܬ̇ ܓܝܪ ܗ̣ܝ ܗܕܐ: ܒܡܘܠܕܢܘܬ ܒܢ̈ܝܐ ܕܝܠܗ̇ ܒܝܫܬܐ ܘܠܝܛܬܐ܆ ܕܝܠܕܐ ܗܘ ܬܪܝܢܐ ܕܝܠܗ̇ ܟܐܦܐ ܕܠܐ ܡܪܓܫܢܘܬܐ. ܟܠܢܝ ܕܝܢ ܠܡܦܠܓ ܠܗ ܛܟܣܐ ܒܝܬܝܐ܆ ܚܘܝܐ ܣܓܝ ܕ̈ܝܫܐ ܕܦܘܠܚܢ ܦܬܟܪ̈ܐ. ܟܕ ܛܟܣܐ ܬܠܝܬܝܐ܆ ܠܐ ܝܕܥ̇ ܐܢܐ ܐܝܟܢܐ ܡܛܠ ܠܗ̇ ܡܢ ܡܗܝܪ̈ܐ ܕܐܒ̈ܗܬܐ܇ ܒܫܫܠܬܐ ܕܬܡ̈ܢܝܐ ܚܫ̈ܝܢ. ܠܗ̇ܘ ܕܟܕ ܡܡܫܚܐܝܬ ܢܦܩܢܢ܆ ܠܡܐܡܪ ܡܟܝܠ ܥܠ ܠܐ ܡܪܓܫܢܘܬܐ ܨ̇ܒܝܢ ܚܢܢ. ܐܟܡ̣̇ܢ ܕܬܠܝܬܝܬܐ ܐܝܬܝܗ̇܇ ܗ̇ܝ ܬܪܝܢܝܬܐ ܕܒܝܠܝܕܘܬܐ. ܒܬܪ ܗ̇ܝ ܡܟܝܠ܆ ܕܐܦ ܥܠ ܫܢܬܐ ܘܫܗܪܐ: ܠܘ ܕܝܢ ܒܠܚܘܕ ܐܠܐ܆ ܐܦ ܥܠ ܕܚܘܠܬܢܘܬܐ ܫܒܪܝܬܐ ܘܚܠܫܬܐ܆ ܙܥܘܪ̈ܝܬܐ ܐܡܪܝܢ ܚܢܢ. ܕܫܪ̈ܘܝܐ ܓܝܪ ܐܝܬܝܗܘܢ ܟܘܪ̈ܗܢܐ ܕܕܐܝܟ ܗܠܝܢ܀
17 18ܐܓܘܢܐ ܕܫܒܬܐܥܣܪ ܐܝܢܐ ܕܩ̇ܢܐ ܠܫܡܝܐ ܠܐ ܗܘܠܢܐܝܬ ܚܙܩ̇.